កញ្ញា ជា ម៉ាលីស ម្ចាស់បទ " ទាល់តែយូរទើបស៊ីអូនបាន " ចេញវីដេអូសុំទោសមហាជន

បន្ទាប់ពីមានការរិះគន់មិនបង្អង់របស់មហាជនពីអត្ថន័យបទចម្រៀង " ទាល់តែយូរទើបស៊ីអូនបាន " រួចមក ហើយទន្ទឹមនឹងខាងក្រសួងព័ត៌មាន ចេញសេចក្តីប្រកាស ហាមដាច់ខាត់មិនអោយម្ចាស់ស្ថានីយ៍វិទ្យុ និងទូរទស្សន៍ទាំងអស់នៅប្រទេសកម្ពុជា ចាក់ផ្សាយបទចម្រៀង «ស៊ីបានចេះតែស៊ីទៅ» និងបទ «ទាល់តែយូរទើបស៊ីអូនបាន» ចាប់ពីពេលនេះតទៅ។

ក្រសួងព័ត៌មានបានបញ្ជាក់ថា ការប្រកាសបញ្ឈប់ការចាក់ផ្សាយបទចម្រៀងទាំង២បទនេះ ក្រោយពីក្រសួងពិនិត្យឃើញថា បទចម្រៀងទាំងនេះ មានប៉ះពាល់ទៅដល់តម្លៃវប្បធម៌ជាតិ និងមានអត្ថន័យប្រាសចាកពីសីលធម៌ខ្មែរធ្ងន់ធ្ងរ ពោលគឺអត្ថន័យប៉ះពាល់ទៅដល់កិត្តិយស និងតម្លៃស្ត្រីខ្មែរថែមទៀត។
ថ្មីៗនេះដែរកញ្ញា ជា ម៉ាលីស បានចេញវីដេអូ មួយផ្ញើសារសុំទោសដល់មហាជនហើយកញ្ញានឹងខិតខំកែប្រែកំហុសឆ្គងកន្លងមក៕